Masallı rayon Mərkəzi kitabxanası

Masallı rayon MKS
Tədbirlər
27 May , 2019
   27 may 2019-cu ildə Masallı rayon Mərkəzi Kitabxanası işçiləri şəhər 3 saylı orta məktəbdə Respublika günü ilə əlaqədar tədbir keçirdi. Tədbirdə İlk çıxış edən Kitabişləmə və Kataloqlaşdırma şöbəsinin müdiri Südabə Məmmədova bildirib ki, 1918-ci il mayın 28-də elan olunmuş Azərbaycan Xalq Cümhuriyyəti türk və İslam dünyasında ilk parlamentli respublika və demokratik, hüquqi və dünyəvi dövlət nümunəsi olub.Yaradılmasından 23 ay keçəndən sonra - 1920-ci il aprelin 28-də rus-bolşevik ordusu tərəfindən müstəqil Azərbaycan dövlətinin fəaliyyətinə son qoyulmuşdur. Yalnız 1991-ci ildə SSRİ-nin süqutundan sonra Azərbaycan Respublikası özünü 1918-1920-ci illərdə mövcud olmuş Xalq Cümhuriyyətinin varisi elan etmiş və dövlət müstəqilliyimiz yenidən bərpa olunmuşdur. Sonra çıxış edən Xidmət şöbəsinin müdiri Gülər Piriyeva və şöbənin işçisi Arzu Hüseynova Azərbaycan Xalq Cümhuriyyətinin yarandığı tarixin dövlət səviyyəsində Respublika Günü kimi qeyd olunmasında, 1918-1920-ci illərdə qazanılmış uğurların araşdırılaraq dünyaya çatdırılmasında ümummilli liderimiz Heydər Əliyevin misilsiz xidmətləri olduğunu xüsusi vurğulamışlar. Qeyd olunub ki, Prezident İlham Əliyev dəfələrlə öz çıxışlarında Xalq Cümhuriyyətinin siyasi və mənəvi varisi olan Azərbaycan dövlətinin öz sələfinin dövlətçilik ideya və ənənələrini davam etdirəcəyini, ölkəmizin müstəqilliyinin əbədi olacağını bəyan etmişdir.
Foto Qalereya